کراچی…سول اسپتال کراچی میں ڈاکٹرزنے غفلت کا مظاہرہ کرتے ہوئے مریضہ خاتون کی ٹوٹنے والی ٹانگ کے بجائے دوسری ٹانگ کا آپریشن کر دیا گیا،جس کے بعد اہلخانہ سراپہ احتجاج ہیں اور غفلت
برتنے والے ڈاکٹرز کے خلاف فوری کاروائی کا مطالبہ کررہے ہیں۔ دادو شہر کی رہائشی خاتون 25 سالہ نجمہ بیگم کی الٹے پاوٴں کی ہڈی ٹوٹی تو انہیں کراچی کے سول اسپتال کے ہڈیوں کے وارڈ میں داخل کروایاگیا،جہاں گذشتہ روزان کاآپریشن کیا گیا،لیکن ٹوٹنے والے الٹے پاوٴں کی جگہ ڈاکٹرز نے سیدھے پاوٴں کا آپریشن کردیا، میڈیا کے نمائندوں کو دیکھتے ہوئے آرتھوپیڈک وارڈز کا عملہ اور ڈاکٹرز فرار ہوگئے،اور ریسیپشن پر صرف بلیاں گھومتی رہیں،جس کے بعد سول اسپتال کے ڈی ایم ایس ڈاکٹر مظفر بھی سامنے نہیںآ ئے ،جب میڈیا کے نمائندوں نے سول اسپتال کے میڈیکل سپرنٹنڈنٹ کے دفتر جانا چاہا تو وہاں بھی تالے لگے ہوئے تھے،متاثرہ مریضہ کے بھائی عاشق حسین نے کہا کہ میری بہن نجمہ کو انصاف فراہم کیا جائے اور ذمہ دار ڈاکٹرز کے خلاف فوری کارروائی کی جائے ،انہوں نے بتایا کہ میری بہن نجمہ 10 روز سے سول اسپتال میں داخل تھی،لیکن آپریشن کی باری 10 دنوں بعدآئی ہے۔آپریشن ہوا ہے مگر بہن کی صحیح ٹانگ کا کردیا گیا ہے۔
No comments:
Post a Comment